Misir Ərəb Respublikası
Azərbaycan Respublikası və Misir Ərəb Respublikası arasında ikitərəfli münasibətlər
Misir Ərəb Respublikası 26 dekabr 1991-ci ildə Azərbaycan Respublikasının müstəqilliyini tanımışdır. İki ölkə arasında diplomatik əlaqələr 27 mart 1992-ci il tarixində qurulmuşdur.
1993-cü ilin aprel ayından MƏR-in Bakıdakı Səfirliyi və 1994-cü ilin yanvar ayından isə Azərbaycan Respublikasının Qahirədəki Səfirliyi fəaliyyət göstərir.
2016-cı ilin 2 noyabr tarixində Azərbaycan Respublikasının Xarici İşlər naziri cənab Elmar Məmmədyarov Misir Ərəb Respublikasına rəsmi səfər etmişdir.
24-26 oktyabr 2019-cu il tarixlərində Misir Ərəb Respublikasının Xarici İşlər naziri Sameh Şukri Qoşulmama Hərəkatının XVIII Zirvə Toplantısında iştirak etmək məqsədilə Azərbaycanda səfərdə olmuşdur.
30 sentyabr 2016-cı il tarixində Xarici İşlər naziri Elmar Məmmədyarov V Bakı Beynəlxalq Humanitar Forumunda iştirak edən Misir Parlamentinin xarici əlaqələr komitəsinin sədri, keçmiş Xarici İşlər naziri cənab Məhəmməd Orabini qəbul etmişdir.
Müqavilə-hüquq bazası
Azərbaycan Respublikası ilə Misir Ərəb Respublikası arasında müxtəlif sahələrdə əməkdaşlıq haqqında 50 sənəd imzalanmışdır.
Parlamentlərarası əlaqələr
Azərbaycan Respublikasının Milli Məclisində Azərbaycan-Misir parlamentlərarası əlaqələr üzrə işçi qrupu fəaliyyət göstərir. Qrupun rəhbəri Məmmədov Ceyhun Valeh oğludur.
İqtisadi sahədə əməkdaşlıq
Azərbaycan ilə Misir arasında ticarət dövriyyəsinin (min ABŞ dolları)
|
İllər |
İdxal |
İxrac |
Ticarət dövriyyəsi |
|
2014 |
2 479.9 |
91 528.0 |
94 007.9 |
|
2015 |
3 595.72 |
109.52 |
3705.24 |
|
2016 |
4 884.6 |
11 857.6 |
16 742.2 |
|
2017 |
6 564.6 |
1 482.9 |
8047.5 |
|
2018 |
7 035.63 |
318.17 |
7 353.80 |
|
2019 |
11 521,06 |
41 831,33 |
53 352,39 |
|
2020 |
7.167.60 |
624.88 |
7792.48 |
Mənbə: Dövlət Statistika Komitəsi
Müştərək Komissiya:
3 oktyabr 2002-ci il.tarixində Azərbaycan Respublikası ilə Misir Ərəb Respublikası arasında Hökumətlərarası iqtisadi, texniki və elmi əməkdaşlıq üzrə Müştərək Komissiya yaradılmışdır.
Diplomatik Nümayəndəlik
Azərbaycan Respublikasının Misir ərəb Respublikasındakı Səfirliyi
Ünvan: Qahirə, Maadi Sarayat, küçə 10, Villa 16/24, 11431
Tel: (+202) 23583761; 23583783; 23583790
Fax: (+202) 23583725
E-poçt: embassy.azerbaijan.cairo@gmail.com
İnternet səhifəsi: www.cairo.mfa.gov.az