2018-10-25
No:275/18, Xarici işlər naziri Elmar Məmmədyarov Parlamentlərarası İttifaqın prezidenti Qabriela Kuevas Barron ilə görüşdü
 
Görüş zamanı tərəflər 2018-ci ilin dekabr ayında Bakıda keçiriləcək Gənc Parlamentarilərin V qlobal konfransının Azərbaycan ilə Parlamentlərarası İttifaq arasında əməkdaşlığın daha da inkişafına təkan verəcəyinə əminliklərini ifadə etdilər. Sözügedən tədbir çərçivəsində dünyanın 178 ölkəsindən gənc parlamentarilərin Azərbaycanda gedən inkişaf proseslərini daha yaxından tanımaq imkanı əldə edəcəkləri xüsusilə qeyd olundu.

Nazir E.Məmmədyarov, Parlamentlərarası İttifaqın prezidenti olmaqla yanaşı Meksikanın millət vəkili olan Qabriela Kuevas Barron ilə Azərbaycan Meksika ikitərəfli münasibətləri üzrə fikir mübadiləsi apardı. Münasibətlərin inkişafı üçün geniş potensialın mövcud olduğunu qeyd edən tərəflər qarşılıqlı yüksək səviyyəli səfər mübadiləsinin əməkdaşlıq əlaqələrinin daha da inkişafına təkan verəcəyini vurğuladı. 

Görüş zamanı eləcə də digər sahələrdə əməkdaşlıq məsələləri ilə bağlı fikir mübadiləsi aparıldı.




növbəti xəbər əvvəlki xəbər