2018-03-27
No:070/18, Xarici işlər naziri Elmar Məmmədyarov ABŞ-ın Azərbaycandakı səfirini qəbul edib
Xarici Işlər Naziri Elmar Məmmədyarov ABŞ-In Azərbaycan Respublikasındakı Səfiri Robert Sekutanı diplomatik fəaliyyətinin başa çatması münasibətilə qəbul etdi.

Səfir Robert Sekuta fəaliyyət müddəti ərzində Azərbaycan və ABŞ arasında ikitərəfli münasibətlərin möhkəmləndirilməsi istiqamətində səylərini əsirgəmədiyini bildirdi.

Nazir Elmar Məmmədyarov iki ölkı arasında əlaqələrin inkişafına verdiyi töhfəsinə görə Səfir Robert Sekutaya təşəkkür etdi və ona gələcək fəaliyyətində uğurlar arzuladı.

Görüşdə iki ölkə arasında enerji, iqtisadiyyat, ticarət, terrorizmə qarşı mübarizə, humanitar və digər sahələrdə əməkdaşlıq perspektivləri nəzərdən keçirildi.

növbəti xəbər əvvəlki xəbər